القائمة الرئيسية

الصفحات

تعديل المشاركة

أشهر الأقسام في الدراسات العليا

تربية حلوان
(0)


شرح مفصل عن الدراسات العليا

كل اللي عايز تعرفه بإختصار ان شاء الله هيكون التدوينة دي:

"

أولا لو انت حابب تكمل دراسات عليا، لازم تسأل نفسك انت ناوي تكمل ليه ولحد فين ؟!

"

لو ناوي تكمل عشان تروح الجامعة وتخرج وكده يبقى نصيحة مني بلاش تاخد الخطوة دي :D

لو هتاخد دبلومة وهتقعد على كده هنا هيكون قدام اختيارين انك مش حابب تخصصك فمحتاج تغير تخصصك وتشتغل في مجال تاني وهنا أنا بشجعك على الكلام ده ، أنا شخصيا عملت نفس الموضوع غيرت تخصصي ودرست مجال جديد واشتغلت بيه!

اما لو هتاخد دبلومة وهتزهق بسرعة ومش هتكمل يبقى من الأفضل بلاش تكمل !

"

#هادخل تخصص ايه؟!

من المفترض انك وانت داخل تكمل دراسات عليا بتبقى حاطط هدف قدامك وبالتالي عارف هتاخد تخصص ايه ومع ذلك هأقولك على اشهر التخصصات اللي ممكن تاخدها في الدبلومة المهنية!

"

- يأتى على رأس هذه التخصصات #قسم_علم_نفس تخصص #صعوبات_تعلم والمجال ده مطلوب في سوق العمل جدااا ومطلوب برا مصر كمان ويعتبر إلى حد ما مجال سهل وممتع في دراسته لكنه عندنا في حلوان بيحتاج حضور وشغل فلازم قبل ماتدخله تعرف انك هتقدر توفر وقت للحضور!

-تاني تخصص #قسم_صحة_نفسية تخصص تربية خاصة وده يعتبر المجال الأم في التعامل مع الفئات ذوي الاحتياجات الخاصة ومطلوب جدااا داخل مصر وفي الخارج لكن يفضل لو هتدرس المجال ده تكون حابه وحابب تتقدم فيه مش بس داخله عشان تعمل فلوس، لأن الاب والأم اللي عندهم طفل ذوي احتياجات خاصة بيبصولك على انك طوق النجاة بالنسباله وبيضعوا ثقة كبيرة فيك فلازم تكون قدها.

- دبلومة_التخاطب ودي مش موجودة عندنا في حلوان موجودة في عين شمس وجميلة جداا وممتعة ومطلوبة أيضا.

- دبلومة_تكنولوجيا_التعليم ودي تعتبر المستقبل ومطلوب جدااا برا مصر وفي قسم ساعات كتير بيفتح اسمه تكنولوجيا تعليم ذوي الاحتياجات الخاصة وده جميل جدااا ومطلوب برا مصر.

- مناهج وطرق تدريس اللغة العربية لغير الناطقين بها وده بردوا مجال كويس لكنه يختص في الغالب بطلاب اللغة العربية٠

دي أشهر الأقسام اللي ممكن تدخلها٠



هل اعجبك الموضوع :

تعليقات

إرسال تعليق